Nach ere woolverdiente Fasnachtspause mit emene wunderscheene Bummel, wo uns zum Brau- und Rauchshop gfiehrt hett, hän mer die neii Fasnachtssaison im Sebtämber mit emene glaine Oggdooberfescht yglütte. Die eerschti Sitzig hett bi Wisswürscht, Brezn, Obazda und sälber brautem Bier stattgfunde. D’Ydee fir d´Fasnacht 2019 sin zaalriich gsi, insbesunders will mer neggscht Joor unser 10 jööhrigs Jubileum deerfe fiire.
Mittlerwile hett au scho e zwaiti Sitzig stattgfunde und d´Plaanig schrittet suuber voraa. D´Ämtli sin alli vertailt. Jetzt leege mer bald mit em Waagebau los.
