Nach ere woolverdiente Fasnachtspause mit emene wunderscheene Bummel Wucheänd, wo uns an Comersee gfiehrt hett, hän mer die neii Fasnachtssaison im Sebtämber mit emene glaine Oggdooberfescht yglütte. Die eerschti Sitzig hett bi Wisswürscht, Brezn, Obazda und sälberbrautem Bier stattgfunde. D’Ydee fir Sujet Fasnacht 2020 sin wie immer zaalriich gsi
Mittlerwile hett au scho e zwaiti Sitzig ingglusiv Wiehnachtsässe stattgfunde und d´Plaanig schrittet suuber voraa. D´Ämtli sin alli vertailt. Jetzt leege mer bald mit em Waagebau los.
S’neie Joor isch doo und somit au dr Staart vom Waagebau. Alli sin sehr motiviert bi dr Sach gsi und mer hän scho viil erreicht. Aaschliessend het’s no e feyns Bier geh.
Dr Waage isch feertig. Mer sin alli frooh, dass mer unseres Sujet guet hän kenne umsetze. D’Cleffs kenne es kuum erwaarte, dass d’Fasnacht ändlig aafooht!!!
