Äntlig!!! Äntlig!! Noch drei laange Joor, het dr Cortège wiedr stattgfunde!
Mir sind baraad gsi und hän mit unserem Sujet «Ai Stadt, ai Liebi, ai Cortège» e Statement wölle abgää, dass es ooni Cortège ebbe au kaini Wääge git! Uff d’Umsetzig sind mir alli stolz!
Drotz kaltem Wätter und ere Briise hän mir die «drey scheenste Dääg» voll gnosse.
Am Zischtig sind denn alli Binggis uf em Waage gsi und hän voller Fröid an dr Kinderfasnacht mitgmacht.
Aaschliessend hän mir e grandioosi Waagevernissage uf dr Kasäärne könne gniesse. E grosse Dangg an alli, Familie, Früünde und Passivii, die ufftaucht sind. Im spezielle au e groose Dangg an Schlangefänger für’s Blaatzkonzäärt sowie d’Calimeros.
